Marebeta ma Gatua wa Mbũgwa 1
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


Kĩĩhuruta Ng'ombe ciaku nĩ igũtahwo

Kĩĩhurutaĩ, wahuruta kĩ
Kĩahurutĩrwo
Nĩ mahurutĩri
Na Kĩahurutĩka
Na gĩtinaitĩka!

Kĩĩhurutaĩ, wahutia nĩ kĩ
Na mahurutĩri
Na ndikwenda itherũ
Rĩa kũhurutĩrwo
Itarĩ mũkinyu!

Kĩĩhurutaĩ, kaĩ wahurutĩka
Kinya tawainĩ
Kaĩ ũtamenyaga
Atĩ tawa nĩ mũhiũ
Kwĩ mahurutĩri
Ta maya wĩ na mo!

Kĩĩhurutaĩ, ng'ombe iria ciaku
Irĩ kũbuĩria
Na mũka wa njĩra
Ĩno ya rũgongo
Kĩĩhurutĩre
Ũthiĩ ũgacicarie!

2001 Gatua wa Mbũgwa

Gwitũ Mũciĩ

Matukũ no ngũrĩrĩri
Kahinda gatarĩ kũraya
Tuonane maitho kwa maitho
Na ciũma gwa ciũma

Nũũ woigire atĩ
Itherero kana rũgũrũ
kĩanda kana rũgongo
Gwitũ mũciĩ no kuo kuoma?

Andũ aitũ kaba kũinũka
Gũkũ ũgeni tũtũũraga
Twereraga ta rĩera kana huho
Twethethaga na tũtiganagia

Kahinda rĩu nĩ gakinyu
Wa gĩkabũ wa kĩondo
Mathandũkũ na njoherera
Gwitũ mũciĩ no kuo kuoma

2001 Gatua wa Mbũgwa

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa