Marebeta ma Gatua wa Mbũgwa 12
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


IGARĨ RĨKĨGARAGARA

Igarĩ rĩagaragarĩra haha
Barabarainĩ ĩno
Rĩrorete barabarainĩ ĩĩrĩa ĩngĩ
Tuoranĩria tondũ igarĩ rĩagaragara rĩ
Rĩagaragario nũũ

Tũtinona mũtwĩri wa igarĩ
Kana mũrĩgaragaria
Oima ũ na moima na ũ
Makĩgaragaria igarĩ barabarainĩ
Gara gara

No ningĩ tuoranĩria rĩngĩ atĩrĩ
Igarĩ nĩ kũgaragara ĩ
Kana nĩ kũgaragario rĩagaragario
Nĩ gũtwarithio kana nĩ kũrekererio
Barabarainĩ rĩgaragare gara gara

O ithuerĩ twacokanĩrĩa hamwe atĩrĩ
Igarĩ rĩtingĩgaragara barabarainĩ
Rĩtarĩ na mũrĩtwarithia
Wa kũrĩkũrithia na kũrĩrũgamia
Barabarainĩ rĩgaragare kana rĩrũgame

No ningĩ o ithwerĩ tuoranĩria rĩngĩ atĩrĩ
Igarĩ nĩ kĩĩ
Rĩĩrĩ rĩgaragaragĩra barabarainĩ
Na rĩagaragara kinya mwambato wa irĩma
Gara gara

Na ndogo ĩno igarĩ rĩrutaga na mũtũrirũ
Nĩ kĩ rĩcinaga gĩgatoga ũguo
Nĩ maĩ marĩkũ igarĩ rĩkundaga
Rĩkahota mũgaragaro na mwambato
Kana igarĩ rĩĩrĩ rĩ na meciria ma kũgaragara

Muoria Nyoni 2005 Gatua wa Mbũgwa

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa