Marebeta ma Gatua wa Mbũgwa 14
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


RŨRENDA RWA THĨ YOTHE (RRTY)

Tonya thĩiniĩ wĩyonere
Rũrũ nĩ rũrenda rwa thĩ
Rũrenda rũgenda thĩ nene
Kuma rũgongo mũico kũnene
Kinya kĩanda mũico kũnene
Rũrũ nĩ rũrenda rwa thĩ yothe

Tonya thĩiniĩ tiga kũrega
Rũrũ nĩ rũrenda rwa thĩ
Rũrenda rũgendi thĩ ĩ nene
Kuma itherero mũico kũnene
Kinya rũgũru mũico kũnene
Rũrũ nĩ rũrenda rwa thĩ yothe

Tonya thĩiniĩ tiga kũgega
Rũrũ nĩ rũrenda rwa thĩ
Rũrenda rũtegi thĩ kũnene
Kuma thimũ ngathĩti na tũmeme
Kinya thũgũrĩ ũrĩ kũnene
Rũrũ nĩ rũrenda rwa thĩ yothe

Tonya thĩiniĩ tiga kĩeha
Rũrũ nĩ rũrenda rwa thĩ
Rũrenda thiũrũra wa thĩ mũnene
Rũruta ũhoro na mbica kũnene
Rũkinyĩria andũ a kũnene
Rũrũ nĩ rũrenda rwa thĩ yothe

Tonya thĩiniĩ tiga mĩhĩtwa
Rũrũ nĩ rũrenda rwa thĩ
Rũrenda nyitania wa andũ mũnene
Kanini na kanene thĩ ĩ yothe
Kinya rũciũ na thikũ cia kũnene
Rũrũ nĩ rũrenda rwa thĩ yothe

Tonya thĩiniĩ tiga kwĩringa
Rũrũ nĩ rũrenda rwa thĩ
Rũrenda rũngĩakwo thingira mũnene
Kana gĩthũnũ gĩa thũgũrĩ o wothe
Nĩ mũingĩ wa thĩ yothe ona ĩ nene
Rũrũ nĩ rũrenda rwa thĩ yothe

Tonya thĩiniĩ tiga kwĩyũria
Rũrũ nĩ rũrenda kana nĩ ndamathia?
Rwagenda thĩ yothe ĩ nene?
Rũkue thimũ ngathĩti na tumeme?
Ndũnyũ thũgũrĩ na wendia?
Ũhoro hamwe na mbica?
Rwanyitithania kanini na kanene?
Rwakwo thingira na ithũnũ cia mũĩngĩ?
Rũrũ nĩ rũrenda kana nĩ ndamathia?

Tonya thĩiniĩ tiga kwagaga
Rũrũ nĩ rũrenda rwa thĩ
Rũrenda rũrĩ na ũgĩ mũingĩ ma
Ũgĩ mwerũ na ũgĩ wa tene
Rũhana matatũ rũtiraiyũrwo
Rũrũ nĩ rũrenda rwa thĩ yothe!

Kĩhu 1998 Gatua wa Mbũgwa

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa