Marebeta ma Gatua wa Mbũgwa 7
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


MŨGĨ THIMŨRĨRA

Karu gakwa kanandongia kananjiarĩra
Twana twĩrĩ twana tũtatũ
Kamwe ngĩgatua Nyamatũturĩri Nyamatũthimũrĩri
Mũgĩ thimũrĩra

Kamwe gathomeire thukuru ĩmwe mathukuru erĩ
Nĩ kandĩkire ugo ũmwe njugo igĩrĩ
Na gakĩandĩka ũgo ũmwe moogo merĩ
Mũgĩ thimũrĩra

Kangĩ gathomeire thukuru ĩmwe mathukuru erĩ
Nĩ kandĩkire ugo ũmwe njugo igĩrĩ
Na gakĩandĩka ũgo ũmwe moogo merĩ
Mũgĩ thimũrĩra

Ugo wa kamwe warĩ wa ũturi na wa thayathi
Na guo wa kangĩ warĩ wa ũturi na wa thayathi
Ugo ũmwe njugo igĩrĩ
Mũgĩ thimũrĩra

Ugo wa mbere ũgĩgatua mũranja kangĩ mũranja
Na guo wa kerĩ mũramati ũmwe aramati erĩ
Aramati aturi aramati a thayathi
Mũgĩ thimũrĩra

Twerĩ twandĩkire ũgo warĩ ũmwe moogo maarĩ merĩ
Na tũgĩtuĩka ago athamaki a gũthimũraga
Ũthamaki ũmwe mothamaki erĩ
Mũgĩ thimũrĩra

Karu gakwa kanandongia kananjiarĩra
Twana twĩrĩ twana tũtatũ
Kamwe ngĩgatua Nyamatũturĩri Nyamatũthimũrĩri
Mũgĩ thimũrĩra

Muoria Nyoni 2005 Gatua wa Mbũgwa

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa