Marebeta ma Gatua wa Mbũgwa 8
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


MŨTUMIA MŨTUMIA

Mũtumia mwega nĩ ũrĩa mũtumia
Tondũ amenya ndeto cia mũciĩ
Nĩ atumagĩria ndeto icio tumu
Tondũ wa kũmenya wega atĩ
Cia mũciĩ ti como
Na cia como ti cia mũciĩ

Angĩaga gũtumia aaheo ndeto
Cia mũciĩ kana ingĩ
Airute nja kũrĩ kĩrĩndĩ
Ndangĩĩtwo mũtumia mũtumia
Nĩ kwaga gũtumĩria ndeto cia mũciĩ
Agatuma ũthũ aaruta cia mũciĩ nja

Mũtumia mũtumia mũru
No ũrĩa ũtumagĩria cia wĩki naĩ
Atĩ tondũ nĩ wĩki naĩ wa mũciĩ
Agatumia atumĩirie ndeto icio tumu
Na ndacirute nja gwĩ kĩrĩndĩ
Agatuma ũthũ o na e mũtumia

Mũtumia mũtumia mũgĩ
Nĩ ũrĩa wĩcũranagia agĩtumia
Akamenya cia gũtumĩria na cia gũtumũka
Ndeto cia mũciĩ na cia kĩrĩndĩ
Agatuĩka mũtumia mũtumia
Na mũtumia mũtumũki ma na kĩhoto

We mũtumia thikĩrĩria ndeto ici
Wĩ mũtumia mũtumia kana mũtumũki
Wĩcũranie ngoro na ũmenye wega
Mata ma kũmeria na ma gũtua thĩ
Cia mũciĩ na cia como
Ũtumie kana ũtumũke!

Muoria Nyoni 2005 Gatua wa Mbũgwa

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa