Marebeta ma Gĩcingiri wa Mũciiri 1
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


MEETHUGUNDA

Ta reke twarie cia Kenya
Twĩyũrie na twĩcokerie
Wa ciama nyingĩ ũmũthĩ
Nĩ tũwoine ithuothe biũ
Kenya ĩngĩkahonoka

Rĩu ĩkĩrĩ hong’oku wega
Ta kĩwanja kĩa aici tũguarũ
Na mũrĩano ta wa nyamũ
Endia bũrũri nĩ o aingĩ
Kenya ĩngĩkahonoka

Wa ndimakĩconi nĩ mũthiru
Njamba cia Mau ikiuma ng’ũ
Mũcihuuri ironda agĩĩkĩra cumbĩ
Ciĩmiragie na kĩĩgokoora nĩ thĩĩna
Ĩ Kenya ĩngĩkahonoka ?

Njamba cia ita itionire o na kĩĩ
O na wagũcihuura maithori ?
Kana ndaka kana wa gũcithaagana
Mbogo yagwa cikĩĩrwo kaa kando
Irorwo nĩ ndagĩtaarĩ kazi yenu kwisha

Iturwa cia gũtura ũthũ 1963
Mĩtĩ no ĩĩrĩ wa Ngĩna na Mũthee
Koinange koone mbere mbunge
Gakuage mondo ya Mũthee na njũng`wa
Ta kahĩĩ gaathĩkĩri ithe, uga ũngĩ !

Ũũ nũũ wathuria Kenya njerũ ?
Ĩ ĩno nĩ njerũ kana nĩ watho wa keerũ ?
Kanyoni gakwa wĩhithahithe, nĩ kĩ?
Tondũ wonwo ndũrĩ wakwa
Kenya nĩ ĩgakiumana ngĩone

Rwĩmbo rũrĩ kũbacio kĩambĩrĩria
No ta ngũ cia mũtũndũ mũigũ
Gwetha ikinya nĩ gere
O na mũhuuhi mwaki wĩ gatũ nĩ hinya
Ũkĩrai twethe ikinya rĩngĩ

Mũmbi ararĩĩra ngĩoinĩ rĩu
Na ti kwenda rĩu nĩ wagi
Wa ndoro ya rĩumba oombe
Akahinyĩrĩrio mũno nĩ ahahami
Mũmbi ti itherũ angĩaga Kenya nĩ twaga

Mũmbi nĩ we mũtirĩrĩri bũrũri
Ĩĩni mũmbi wa ciana ciothe
Mũmbi wa kahũa na macaani
Mũmbi wa irio na iria
Mũmbi wa ũũkĩ na mĩrĩo yothe

Kenya ĩngĩkahonoka mũmbi aneyo
Aneeyo ciake ciothe akene
Arĩhwo kuuma ũkuui wa ihu
Gũciara na kũrera ciothe
Na iria irĩ thirĩ mũmbi anengerwo

Wakĩhũma na ndũrĩ handũ ũthiĩte
Kwaria nĩ kwendana hau ti siasa
Mwahũgũkanĩra ta Kenya ĩrĩ ya mbarĩ mĩhari?
Gwota mwaki nĩ kũhuria hamwe
Na ũtarĩ mũthuru eekĩre ti kwega

Kenya ĩngĩkahonoka mbere mbere
Ciana ithome ciothe itegũthutũkanio
Keerĩ ndawa icokio mathibitaarĩ
Mũmbi wothe aneyo thithino yake
Tũkinyũkie rĩa mbere tang`a tang`a

Twendie na tũgũre citũ mũno mũno
Tũkũrie iganda ciĩ guna harĩ ithuĩ
Tombo wa ciana citũ ũhũthĩke Kenya
Tũrĩe tũhũne na twĩhumbe wega
Ũtonga witũ ũtuĩke ta gĩthima gĩtahũaga

Wĩra kwa mwĩruti wothe Kenya
Na ti hinya mũno ĩĩ kana rema
Wĩyonere bũrũri kĩĩrorerwa
Wakĩĩtwo nĩ mũmbi na wendi
Kenya na Aakenya tũhonokio

© Gacicia 1998 Gĩcingiri wa Mũciiri

__________________
[1] Irebeta rĩĩrĩ rĩ mbukuinĩ ĩtagũo Nyũmba nĩ ĩmwe

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa