Njaranda Rũrendainĩ
  Click here for ENGLISH VERSION      Hihinya haha NDŨNYŨ ũgũre TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


Njaranda ya Marebeta ma Gĩgĩkũyũ Rũrendainĩ

Tũtũmĩre marebeta maku ma rũthiomi rwa Gĩgĩkũyũ tũmekĩre rũrendainĩ!

Kĩmenyithia
Gatua wa Mbũgwa nĩ araamũkĩra marebeta ma Gĩgĩkũyũ kuma kũrĩ andĩki. Marebeta macio nĩ marĩĩkĩragwo haha rũrendainĩ (ithangũ rĩa marebeta) nĩ guo andĩki magĩe na njĩra ya gũthomwo nĩ andũ aingĩ, nao athomi magĩe na njĩra ya gũthoma na gũcanjamũrwo nĩ marebeta ma rũthiomi rwao. Ĩno nĩ njĩra njega ya gũkũria wandĩki witũ, na gũkũria thiomi citũ hamwe na bũrũri witũ.

Kũrutithia Njaranda
Marebeta marĩa marĩĩkĩragwo rũrendainĩ makinya ma kũiyũra ta mathangũ magana merĩ ũguo, nĩ marĩrutagwo me mabuku nĩ: MAITŨ NĨ MA ITŨ: NJARANDA YA MAREBETA MA GĨTHOMO NA NDŨRŨHĨ.

Gũtirĩ witũ ũkoima na njĩra
Rekei twĩkũrie na tũkũrie rũthiomi rwitũ rwa Gĩgĩkũyũ rwandĩkage na rũthomithagie thayathi, mathabu, ũturi, maũndũ maitũ ma tene na ma thĩ yothe, na tũrwambatĩrie kinya rũthomithagie mathomo mothe ma maũgĩ mothe ngathĩinĩ ciothe cia gĩthomo. Hatarĩ nganja, ũyũ nĩ wĩra mariika maitũ mangĩhota kũruta!

Maũndũ maingĩ mekĩkĩte matukũ mahĩtũku na marĩa marekĩka matukũ tũrĩ, tũtimandĩkĩte na rũthiomi rwitũ, na kwoguo rũthiomi rwitũ rũtirakũranĩra na thĩ (o ta thiomi ingĩ nyingĩ cia Abirika). Tũgwĩkũria na twĩkũrĩrie thiomi citũ, mabũrũri maitũ, na Abirika itũ tũkĩmenyaga wega atĩ gũtirĩ witũ mwega ũkoima na njĩra ooke atũkũrie kana atũkũrĩrie thiomi citũ kana mabũrũri maitũ. No mũhaka ithuĩ ene tũkorwo tũrĩ itugĩ cia wĩkũria witũ.

Rũthiomi rwitũ rwa Gĩgĩkũyũ hamwe na thiomi ingĩ cia Abirika nĩ ũtonga wa kĩndũire ũtarĩ waciarithio, na thiomi cia Abirika nĩ cio ithima cia ũkũria wa Abirika, o ta ũrĩa thiomi cĩa Yurũbu arĩ cio ikũrĩtie mabũrũri ma Yurũbu na ma Amerika ya Rũgongo. Tũngĩkũria rũthiomi rwitũ, no twĩkũrie na tũkũrie Abirika ithuĩ ene kinya tũmĩninĩre ũtũũrũa.

Wamũkĩri wa marebeta
Tũrĩamũkagĩra marebeta tũtarĩ na mũthutũkanio wa iruka, ndini, kana rangi wa ikonde. Bata nĩ marebeta macio makorwo me na cama, ũgima wa meciria, ũguni o wothe kũrĩ athomi na kũrĩ rũthiomi, kana ũgĩ o wothe wa mũthemba mũna. O na marebeta ma gũtaũrwo kuma thiomi ingĩ nĩ andĩki kana araata ao nĩ tũrĩamũkagĩra.

Mawoni mothe marĩa marĩĩkoragwo marebetainĩ nĩ ma andĩki o eene. Mũtabarĩri na mũrutithia wa Maitu nĩ Ma Itũ: Njaranda ya Marebeta ma Gĩthomo na Ndũrũhĩ matingĩkuua mũrigo wa mawoni ma andĩki.

Kũrũnga icũrĩ
Mũrũngi wa icũrĩ e na watho wa kũrũnga mandĩko mothe marĩa marĩĩkĩragwo rũrendainĩ na mabukuinĩ ma Maitu nĩ Ma Itũ: Njaranda ya Marebeta ma Gĩthomo na Ndũrũhĩ, kana kũmarega.

Tũma marebeta maku kũrĩ:
Gatua wa Mbũgwa
Mũtabarĩri na Mũrũngi wa icũrĩ
Maitũ nĩ Ma Itũ: Njaranda ya Marebeta ma
Gĩthomo na Ndũrũhĩ
Marũa-ma-kũbucia: waciku@gatua.com

Hihinya haha ũthome marebeta ma andĩki.

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa