Marebeta ma Karanja Ng’ang’a
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


NĨ KŨ KWEGA?

Atumia rũgongo no mateta
Nyũngũ itiratherũka
Rũũrĩa rũngĩ no mbu
Thitima nĩ ciũrire
Na gũtiri mwĩhoko atĩ nĩ igũcoka

Mũtwe nĩ ũritũhire
Ngingo yagoya
Yerũnga nĩ baba njũru
Na ngingo ndĩrĩ yakĩra mũtwe

Ndereba ngũrũ iroiga ngari cia thikũ ici itirehũra
No cikirio iturũrwo
Ciathiathia ikahora
Betũrũ nĩ yathũkire
Injini no ring’i iratua

Warora ngari na nĩ ya ira
Ndogo nĩ ta ĩno ĩ na mĩcakwe mĩigũ
Ĩgathiĩ hwee
Ĩkaigĩrĩrwo mahiga igũrũ
Na tũkariganĩrwo nĩ yo

Mũrĩithi oima gũthũrima rũũru oiga njau gũtirĩ
Ona kiũgũ gĩa ciũri rĩ oiga gĩtirĩ na bata
Na nĩ ma ndaikia ndongu manjarara
Gũtirĩ gatũrũme kana kamwatĩ ingĩoya gathathaũrĩre rũũru
No thire ũkabi mairĩria

Mũturi atura rwenji rwa kũhakũra thenge rĩ
Ngũria kaĩ ciahakũrirwo ciothe?
Ndũrũme njega kuoneka nĩ hinya
Ĩĩ ta karagita ka macimba

Na yo tondũ wa kũrĩa na mũũrũro rĩ
Ndĩrĩ mwĩrĩ o na ĩngĩtuĩrwo ya mwaro
Yahĩtia nyongo rĩ
Ĩgakua ndigana
Ndaciuna rũkomo na ndacendũka ĩ
Kĩmenyi emenyere nĩ haku mwande

©2010 Karanja Ng’ang’a

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa