Marebeta ma Karanja Ng’ang’a
  Click here for ENGLISH VERSION      Hihinya haha NDŨNYŨ ũgure TN


Mũtaratara
Mũciĩ
Ndũnyũ ya TN
Ũhoro wa Mũrebeti
Marebeta
Njaranda
Ndaũri
Ũrĩa maroiga
Rũga
Twandĩkĩre


NYAMĨKWA

Twoiga inya cia kairĩtu rĩ
Na ithano cia kahĩĩ rĩ
Kaĩ wĩra wathirĩire hau?
Maarĩ o mambura
Ndeto thutha

Nĩ witũ na Ngai
Na nĩ mũguĩ mũciari ũta
Mwathi akenaga mũguĩ waratha
Agakenio nĩ ũta mwega
Nake Ngai agakenio nĩ mũguĩ
Na ũta ũgwĩtunga wega

Mwambi wa kĩondo
Amba gĩcere wega
Nĩ kĩo njikarĩro ya kĩondo
Ndũgekĩre thũtĩ
Mĩtumo kana mĩrũgamo yathira rĩ
Hoya gĩkũyũ ndarĩ ũiru

Ĩĩ tũtirithie itĩĩna rĩmwe kana meerĩ
Kĩeya gũkoima nyamĩkwa
Tuma na ndũkanoge
Ona akorwo ti we ũgatiriha

Mũtirihi agakena atĩa
Nĩ mwambi na mũtumi
Agĩkaya nganangũ njega
Ekĩre kĩondo kĩega gĩthaka

©2010 Karanja Ng’ang’a

Google



Gwakwo: Mũgaa 21, 2001;     Kwerũhio: Muoria Nyoni 20, 2006;     © 2001-2007 Gatua wa Mbũgwa